"Lasio" yarim himoyachisi Sergey Milinkovich-Savich shartnomasini uzaytirish bo‘yicha yangi taklif oldi, deb xabar bermoqda La Gazzetta dello Sport nashri.

Rimliklar unga 2026 yilgacha yiliga 4 million yevrolik shartnoma taklif qilishmoqda, u 60 million tovon pulini o‘z ichiga oladi. Futbolchining agenti Matey Kejman "Lasio" bilan muzokara o‘tkazmoqchi emas, chunki u boshqa klublarning qiziqish bildirayotganini biladi.

"Yuventus" va "Milan" Milinkovich-Savich bilan bog‘liq vaziyatni kuzatib borishmoqda, ammo ular "Lasio"ning moliyaviy talablarini qondirishga tayyormi yoki yo‘qligi noma’lum. Premyer-ligada Sergeyga "Nyukasl" qiziqish bildirmoqda. Hatto "qarg‘alar" futbolchining agenti bilan aloqa ham o‘rnatishdi. Shuningdek, Angliyada da’vogarlar orasida “Arsenal” va “Vest Xem” ham bor.

Serbiyalik futbolchi va Rim klubi o‘rtasidagi amaldagi kelishuv 2024 yilning yoziga qadar tuzilgan. Milinkovich-Savich "Lasio" bilan shartnomani uzaytirmasligi va yozda jamoani 90 foizga tark etishi haqida ma’lumotlar bor edi.

Joriy mavsumda Milinkovich-Savich 38 ta o‘yin o‘tkazib, 8 ta gol urdi va 8 ta golli uzatmani amalga oshirdi.