"Лацио" ярим ҳимоячиси Сергей Милинкович-Савич шартномасини узайтириш бўйича янги таклиф олди, деб хабар бермоқда La Gazzetta dello Sport нашри.
Римликлар унга 2026 йилгача йилига 4 миллион евролик шартнома таклиф қилишмоқда, у 60 миллион товон пулини ўз ичига олади. Футболчининг агенти Матей Кежман "Лацио" билан музокара ўтказмоқчи эмас, чунки у бошқа клубларнинг қизиқиш билдираётганини билади.
"Ювентус" ва "Милан" Милинкович-Савич билан боғлиқ вазиятни кузатиб боришмоқда, аммо улар "Лацио"нинг молиявий талабларини қондиришга тайёрми ёки йўқлиги номаълум. Премьер-лигада Сергейга "Ньюкасл" қизиқиш билдирмоқда. Ҳатто "қарғалар" футболчининг агенти билан алоқа ҳам ўрнатишди. Шунингдек, Англияда даъвогарлар орасида “Арсенал” ва “Вест Хэм” ҳам бор.
Сербиялик футболчи ва Рим клуби ўртасидаги амалдаги келишув 2024 йилнинг ёзига қадар тузилган. Милинкович-Савич "Лацио" билан шартномани узайтирмаслиги ва ёзда жамоани 90 фоизга тарк этиши ҳақида маълумотлар бор эди.
Жорий мавсумда Милинкович-Савич 38 та ўйин ўтказиб, 8 та гол урди ва 8 та голли узатмани амалга оширди.
