Milanning "Inter" klubi tez orada ishini yo‘qotish xavfi ostida turgan Simone Indzagi o‘rniga Tyago Mottani bosh murabbiy etib tayinlash masalasini ko‘rib chiqmoqda. La Gazette Dello Sport xabariga ko‘ra, "Bolonya" ustozi keyingi mavsum boshlanishidan oldin Indzagini almashtirishi mumkin.
"Inter" rahbariyati Mottaning boshqa nomzodlarga qaraganda tajribasi kamligini tushunadi, biroq Tyagoni klub rahbariyati yaxshi ko‘radi va ular unda katta murabbiylik salohiyatini ko‘rishadi. Eslatib o‘tamiz, Motta avvalroq “Inter” safida futbolchi sifatida to‘p surgan va 2010 yilda Joze Mourinyo boshchiligida klub bilan Chempionlar ligasida g‘olib chiqqan.
