"Vilyarreal" yarim himoyachisi Aleks Baena "Real Madrid" futbolchisi Federiko Valverde ustidan polisiyaga ariza berishga qaror qildi.

Eslatib o‘tamiz, urugvaylik yarim himoyachi "Vilyarreal"ga qarshi o‘yindan keyin Baenani avtoturargohda urib yuborgan edi.

Federikoning ta’kidlashicha, Aleks tug‘ilmagan bolani tilga olib, uni maydonda haqorat qilgan. Baena, o‘z navbatida, bu ayblovlarni rad etadi. Agar aybi isbotlansa, Valverde jinoiy javobgarlikka tortilishi mumkin. O‘yinlardan chetlatish masalasiga kelsak, bu haqda hozircha ma’lumot yo‘q.