"Chelsi" himoyachisi Kalidu Kulibali Frenk Lempardning mavsum oxirigacha bosh murabbiy etib tayinlanishi haqida fikr bildirdi. Eslatib o‘tamiz, angliyalik murabbiy qo‘l ostidagi ilk uchrashuvda “ko‘klar” safarda “Vulverxempton”ga 0:1 hisobida imkoniyatni boy bergandi.
“Men Tuxel va Potterga achinaman, lekin biz Lempardga e’tibor qaratishimiz kerak. Frenk - bu klubning afsonasi. U jamoani juda yaxshi biladi va ishimizni osonlashtiradi. Biz uning maslahatlarini tinglashimiz va uning ishiga ishonishimiz kerak. Birinchi nutqida u bizga ishonishini va har bir futbolchi muhim rol o‘ynashini ochiq aytdi. Bu ijobiy signal”, — dedi senegallik himoyachi.
