"Челси" ҳимоячиси Калиду Кулибали Фрэнк Лэмпарднинг мавсум охиригача бош мураббий этиб тайинланиши ҳақида фикр билдирди. Эслатиб ўтамиз, англиялик мураббий қўл остидаги илк учрашувда “кўклар” сафарда “Вулверхэмптон”га 0:1 ҳисобида имкониятни бой берганди.
“Мен Тухель ва Поттерга ачинаман, лекин биз Лэмпардга эътибор қаратишимиз керак. Фрэнк - бу клубнинг афсонаси. У жамоани жуда яхши билади ва ишимизни осонлаштиради. Биз унинг маслаҳатларини тинглашимиз ва унинг ишига ишонишимиз керак. Биринчи нутқида у бизга ишонишини ва ҳар бир футболчи муҳим рол ўйнашини очиқ айтди. Бу ижобий сигнал”, — деди сенегаллик ҳимоячи.
