Madridning «Atletiko» klubi himoyachisi Mario Ermoso JCH-2022dan keyin «matraschilar»ning natijalari yaxshilangani haqida gapirdi.

«Nega jahon chempionatidan keyin yaxshilandik? Biz qilishimiz kerak bo‘lgan birinchi jihat, hamma narsa yomon ekanligini tan olish edi.

Ushbu o‘zgarishlardan so‘ng jamoa o‘yinchilari «Atletiko» libosini kiyish nimani anglatishini, bu formada har bir o‘yinda kurashish qanchalik muhimligini tushunishdi», - deya futbolchining so‘zlarini keltiradi Marca.

«Atletiko» La Ligada 8 yanvardan beri mag‘lub bo‘lmayapti, so‘nggi uch oyda jamoa 9 o‘yinda g‘alaba qozonib, 3 ta durang o‘ynadi.

Turnir jadvalida «Atletiko» ikkinchi o‘rindagi «Real»dan ikki ochko ortda qolib, uchinchi o‘rinda bormoqda.