Мадриднинг «Атлетико» клуби ҳимоячиси Марио Эрмосо ЖЧ-2022дан кейин «матрасчилар»нинг натижалари яхшилангани ҳақида гапирди.
«Нега жаҳон чемпионатидан кейин яхшиландик? Биз қилишимиз керак бўлган биринчи жиҳат, ҳамма нарса ёмон эканлигини тан олиш эди.
Ушбу ўзгаришлардан сўнг жамоа ўйинчилари «Атлетико» либосини кийиш нимани англатишини, бу формада ҳар бир ўйинда курашиш қанчалик муҳимлигини тушунишди», - дея футболчининг сўзларини келтиради Marca.
«Атлетико» Ла Лигада 8 январдан бери мағлуб бўлмаяпти, сўнгги уч ойда жамоа 9 ўйинда ғалаба қозониб, 3 та дуранг ўйнади.
Турнир жадвалида «Атлетико» иккинчи ўриндаги «Реал»дан икки очко ортда қолиб, учинчи ўринда бормоқда.
