Pep Gvardiola "Bavariya"dagi uch mavsumidan afsuslanmaydi.
Ispaniyalik mutaxassis Myunxen klubini 2013 yildan 2016 yilgacha boshqargan va u bilan uchta Germaniya chempionligi, ikki marta Germaniya kubogi, UYEFA Superkubogi va klublar o‘rtasidagi jahon chempionatida g‘olib chiqqan.
“Tuxelning tayinlanishi, Nagelsmanning ishdan bo‘shatilishi ham meni hayratda qoldirdi. Men aslida nima deb o‘ylayotganimni ayta olmayman. Bir murabbiy ishdan bo‘shatilsa, ikkinchisi shug‘ullana boshlasa, odamlar yaxshi qaror qabul qilindi, deyishadi. Aks holda ular sobiq murabbiyini sog‘inib qolishadi.
Ikkala murabbiy ham ijodkor. Nagelsmannga qarshi qiyin bo‘lardi, Tuxelga qarshi ham qiyin bo‘ladi.
O‘z shahrimda, yurtimda, klubimda futbolchi sifatida faoliyatimni boshlab, yakunda bosh murabbiy bo‘lish - orzum.
"Bavariya" qo‘ng‘iroq qilganda siz ketishingiz kerak. Bu poyezd umringizda bir marta keladi. "Bavariya"da hammasi qanday bo‘lganidan, bu klub oilamga qanday g‘amxo‘rlik qilganidan bir soniya ham afsuslanmayman.
"Manchester Siti"ga ko‘chib o‘tganimda, bu yerda bunchalik ishlashimni kutmagandim, lekin hayotda rejalaringiz amalga oshmaydi, - dedi "shaharliklar" bosh murabbiyi.
11 aprel kuni Chempionlar ligasining chorak finalida Angliya va Germaniya klublari o‘zaro bahs olib borishadi. Uchrashuv Toshkent vaqti bilan 23:59 da boshlanadi.
