"Tottenxem" hujumchisi Xarri Keyn jamoa bosh murabbiyi Antonio Kontening jamoadan ketishi haqida gapirdi.
Italiyalik mutaxassis matbuot anjumanlarining birida “shporlar” futbolchilari va rahbariyatini ochiqchasiga tanqid qilgan, shundan ko‘p o‘tmay, tomonlar o‘rtasidagi hamkorlik muddatidan avval yakuniga yetgan.
"Menga Konte qo‘l ostida ishlash yoqdi. Men u bilan juda yaxshi munosabatda bo‘lganman va bu shunday tugaganidan juda afsusdaman. Unga kelajakdagi faoliyatida omad tilayman.
Kontening matbuot anjumanidagi gaplari? Men bu haqda ko‘p gapirishni xohlamayman. U juda hissiyotli, “Sautgempton”ga qarshi o‘yinda g‘alaba qozona olmaganimizdan barchamiz hafsalamiz pir bo‘ldi. Antonio ajoyib inson, lekin ba’zida unga o‘zini nazorat qilishi qiyin bo‘ladi", - dedi Keyn Football London nashriga bergan intervyusida.
