"Тоттенхэм" ҳужумчиси Харри Кейн жамоа бош мураббийи Антонио Контенинг жамоадан кетиши ҳақида гапирди.

Италиялик мутахассис матбуот анжуманларининг бирида “шпорлар” футболчилари ва раҳбариятини очиқчасига танқид қилган, шундан кўп ўтмай, томонлар ўртасидаги ҳамкорлик муддатидан аввал якунига етган.

"Менга Конте қўл остида ишлаш ёқди. Мен у билан жуда яхши муносабатда бўлганман ва бу шундай тугаганидан жуда афсусдаман. Унга келажакдаги фаолиятида омад тилайман.

Контенинг матбуот анжуманидаги гаплари? Мен бу ҳақда кўп гапиришни хоҳламайман. У жуда ҳиссиётли, “Саутгемптон”га қарши ўйинда ғалаба қозона олмаганимиздан барчамиз ҳафсаламиз пир бўлди. Антонио ажойиб инсон, лекин баъзида унга ўзини назорат қилиши қийин бўлади", - деди Кейн Football London нашрига берган интервьюсида.