"Bavariya" hujum chizig‘ini yulduz futbolchi bilan kuchaytirishni kutmoqda.
Yangi markaziy hujumchini sotib olish klubning yaqinlashib kelayotgan transfer oynasidagi ustuvor maqsadlaridan biri hisoblanadi.
Ma’lumki, "Tottenxem" hujumchisi Xarri Keynni sotib olish hozirda myunxenliklarning rejalariga kiritilmagan.
Jurnalist Florian Plettenbergning so‘zlariga ko‘ra, “Bavariya” allaqachon Viktor Osimxen (“Napoli”) vakillari bilan bog‘langan, biroq uning narxi – 100 million yevrodan ko‘proq, bu esa "Bavariya" uchun juda qimmat. Yana bir nomzod – Randal Kolo-Muani (“Ayntraxt”), bu eng real variant deb hisoblanadi.
Qayd etilishicha, yozgi transfer oynasida "Bavariya" hujumchi uchun 100 million yevrogacha mablag‘ sarflashga tayyor.
