"Бавария" ҳужум чизиғини юлдуз футболчи билан кучайтиришни кутмоқда.

Янги марказий ҳужумчини сотиб олиш клубнинг яқинлашиб келаётган трансфер ойнасидаги устувор мақсадларидан бири ҳисобланади.

Маълумки, "Тоттенхэм" ҳужумчиси Харри Кейнни сотиб олиш ҳозирда мюнхенликларнинг режаларига киритилмаган.

Журналист Флориан Плеттенбергнинг сўзларига кўра, “Бавария” аллақачон Виктор Осимхен (“Наполи”) вакиллари билан боғланган, бироқ унинг нархи – 100 миллион евродан кўпроқ, бу эса "Бавария" учун жуда қиммат. Яна бир номзод – Рандал Коло-Муани (“Айнтрахт”), бу энг реал вариант деб ҳисобланади.

Қайд этилишича, ёзги трансфер ойнасида "Бавария" ҳужумчи учун 100 миллион еврогача маблағ сарфлашга тайёр.