"Chelsi"ning sobiq futbolchisi Jon Obi Mikel Grem Potterning "ko‘klar" bosh murabbiyligidan ketishi haqida gapirdi.

"Ular unga yetarlicha vaqt berishdimi? Menimcha, ha. "Chelsi" hozir jadvalda qayerda? 11-o‘rinda? Klub uning uchun juda katta emasmidi? Balki. Ba’zida men unga qaradim va u nima qilishni bilmayotganga o‘xshardi", - deya nigeriyalik futbolchining so‘zlaridan iqtibos keltirmoqda Daily Mail.

Mikelning aytishicha, u Potterning o‘yinchilarga motivasiya berishni ko‘rmagan, bu, jamoa uchun zarur edi.

Eslatib o‘tamiz, APLning 30-turidan so‘ng London klubi 39 ochko bilan turnir jadvalida 11-o‘rinda bormoqda. Grem Potter 2 aprel kuni o‘z lavozimidan ozod etilgandi va Frank Lempard mavsum oxirigacha "ko‘klar"ning yangi bosh murabbiyi bo‘ladi.