"Челси"нинг собиқ футболчиси Жон Оби Микель Грэм Поттернинг "кўклар" бош мураббийлигидан кетиши ҳақида гапирди.
"Улар унга етарлича вақт беришдими? Менимча, ҳа. "Челси" ҳозир жадвалда қаерда? 11-ўринда? Клуб унинг учун жуда катта эмасмиди? Балки. Баъзида мен унга қарадим ва у нима қилишни билмаётганга ўхшарди", - дея нигериялик футболчининг сўзларидан иқтибос келтирмоқда Daily Mail.
Микелнинг айтишича, у Поттернинг ўйинчиларга мотивация беришни кўрмаган, бу, жамоа учун зарур эди.
Эслатиб ўтамиз, АПЛнинг 30-туридан сўнг Лондон клуби 39 очко билан турнир жадвалида 11-ўринда бормоқда. Грэм Поттер 2 апрель куни ўз лавозимидан озод этилганди ва Франк Лэмпард мавсум охиригача "кўклар"нинг янги бош мураббийи бўлади.
