"Bavariya" yarim himoyachisi Rayan Gravenberxga Londonning "Arsenal" klubi qiziqish bildirmoqda.
20 yoshli futbolchi myunxenliklar safida muntazam o‘yin amaliyotiga ega emas. Sky Sport nashri xabariga ko‘ra, "Arsenal" vaziyatni diqqat bilan kuzatib bormoqda. "Kanonirlar" rahbariyati jamoada ko‘plab yarim himoyachilar borligi sababli transfer borasida hali ish boshlamagan, biroq ta’kidlanganidek, kelishuv juda real holatda. Ko‘p narsa Tomas Tuxelning yosh futbolchi borasidagi rejalariga bog‘liq bo‘ladi.
Rayan Gravenberx o‘tgan yozda Amsterdamning “Ayaks” klubidan “Bavariya”ga o‘tgan edi. Transfermarkt portali yarim himoyachining hozirgi narxini 30 million yevroga baholamoqda.
