"Бавария" ярим ҳимоячиси Райан Гравенберхга Лондоннинг "Арсенал" клуби қизиқиш билдирмоқда.
20 ёшли футболчи мюнхенликлар сафида мунтазам ўйин амалиётига эга эмас. Sky Sport нашри хабарига кўра, "Арсенал" вазиятни диққат билан кузатиб бормоқда. "Канонирлар" раҳбарияти жамоада кўплаб ярим ҳимоячилар борлиги сабабли трансфер борасида ҳали иш бошламаган, бироқ таъкидланганидек, келишув жуда реал ҳолатда. Кўп нарса Томас Тухелнинг ёш футболчи борасидаги режаларига боғлиқ бўлади.
Райан Гравенберх ўтган ёзда Амстердамнинг “Аякс” клубидан “Бавария”га ўтган эди. Transfermarkt портали ярим ҳимоячининг ҳозирги нархини 30 миллион еврога баҳоламоқда.
