"Barselona"ning chap qanot himoyachisi Jordi Alba klub bilan yangi shartnoma imzolashi mumkin.
"Barselona" 34 yoshli futbolchining yuqori maoshi tufayli undan xayrlashmoqchi edi, biroq yaqinda rejalar o‘zgardi, ispan OAVlariga ko‘ra, bunga Albaning do‘sti Lionel Messining ehtimoliy qaytishi ta’sir qilishi mumkin. Sport xabariga ko‘ra, Kataloniya klubi lateral bilan shartnomani yana bir yoki hatto ikki yilga uzaytirishga tayyor, bu esa uning maoshi narxini uzoqroq muddatga bo‘lib to‘lash imkonini yaratadi va kelgusi mavsumda byudjet yukini kamaytiradi. Amaldagi shartnoma muddati 2024 yilda tugaydi.
Jordi Alba joriy mavsumda barcha turnirlar doirasida 23ta o‘yinda maydonga tushib, bitta gol va 6ta golli uzatmaga mualliflik qilgan.
