"Барселона"нинг чап қанот ҳимоячиси Жорди Альба клуб билан янги шартнома имзолаши мумкин.

"Барселона" 34 ёшли футболчининг юқори маоши туфайли ундан хайрлашмоқчи эди, бироқ яқинда режалар ўзгарди, испан ОАВларига кўра, бунга Альбанинг дўсти Лионель Мессининг эҳтимолий қайтиши таъсир қилиши мумкин. Sport хабарига кўра, Каталония клуби латераль билан шартномани яна бир ёки ҳатто икки йилга узайтиришга тайёр, бу эса унинг маоши нархини узоқроқ муддатга бўлиб тўлаш имконини яратади ва келгуси мавсумда бюджет юкини камайтиради. Амалдаги шартнома муддати 2024 йилда тугайди.

Жорди Альба жорий мавсумда барча турнирлар доирасида 23та ўйинда майдонга тушиб, битта гол ва 6та голли узатмага муаллифлик қилган.