"Real" himoyachisi David Alaba bosh murabbiy Karlo Anchelottining kelasi mavsumda qolishini istamoqda. Eslatib o‘tamiz, italiyalikning shartnomasi 2024 yilning yoziga qadar tuzilgan, biroq u mavsum oxirida qoniqarsiz natijalar qayd etsa, iste’foga chiqarilishi mumkin.
“Albatta, Anchelotti qolishini istardim. U ajoyib murabbiy. Karlo qanday qilib muvaffaqiyatli bo‘lishni biladi. Bizda shunday murabbiy borligidan juda xursandmiz va uning keyingi mavsumda qolishini istaymiz”, dedi Alaba matbuot anjumanida.
Anchelottida Braziliya terma jamoasini boshqarish taklifi bor. Italiyalik “Real”dagi ishidan ayrilsa, taklifni qabul qilishi mumkin.
