"Реал" ҳимоячиси Давид Алаба бош мураббий Карло Анчелоттининг келаси мавсумда қолишини истамоқда. Эслатиб ўтамиз, италияликнинг шартномаси 2024 йилнинг ёзига қадар тузилган, бироқ у мавсум охирида қониқарсиз натижалар қайд этса, истеъфога чиқарилиши мумкин.
“Албатта, Анчелотти қолишини истардим. У ажойиб мураббий. Карло қандай қилиб муваффақиятли бўлишни билади. Бизда шундай мураббий борлигидан жуда хурсандмиз ва унинг кейинги мавсумда қолишини истаймиз”, деди Алаба матбуот анжуманида.
Анчелоттида Бразилия терма жамоасини бошқариш таклифи бор. Италиялик “Реал”даги ишидан айрилса, таклифни қабул қилиши мумкин.
