Madridning “Real” klubi himoyachisi David Alaba maydondagi eng sevimli pozisiyasi haqida gapirdi. Eslatib o‘tamiz, avstriyalik himoyaning markazida ham, himoyaning chap qanotida ham o‘ynay oladi.
“Men uchun o‘ynash uchun eng yaxshi joy qayerda? O‘zimni chap qanotda emas, himoya markazida qulayroq his qilyapman. Albatta, faoliyatim davomida ko‘plab pozisiyalarda o‘ynaganman, lekin aynan himoya markazida o‘zimni eng yaxshi his qilyapman”, dedi Alaba Chempionlar ligasi chorak finalida “Chelsi” bilan o‘yin oldidan o‘tkazilgan matbuot anjumanida.
Alaba "Real"dagi ikkinchi mavsumini o‘tkazmoqda. U "Bavarya"dan tekinga transfer bo‘lgan.
