"Milan" bosh murabbiyi Stefano Pioli Chempionlar ligasi doirasidagi "Napoli"ga qarshi o‘yin oldidan fikrlarini bildirib o‘tdi.
Ertaga, 12 aprel kuni "Milan" 1/4 finalning birinchi o‘yinida "Napoli"ni qabul qiladi, javob o‘yini 18 aprel kuni bo‘lib o‘tadi.
- Yaqinda "Napoli"ni 4:0 hisobida mag‘lub etdingiz.
- Hammasi boshqacha bo‘ladi. Ushbu o‘yin 180 daqiqa davom etadi.
Diqqatni jamlashimiz kerak bo‘ladi, biz belgilangan "planka"ni pasaytira olmaymiz, chunki bu xavfli. A Seriya boshqa voqea, biz Chempionlar ligasiga munosib ekanimizni isbotladik, shuning uchun bor kuchimizni berib, diqqatimizni jamlashimiz kerak. Eng yaxshi o‘yinimizni ko‘rsatishimiz uchun muxlislarimiz katta turtki berishadi.
- "Milan" "Napoli"dan kamroq bosim his qiladimi?
- Men unday deb o‘ylamayman. Gap Chempionlar ligasi va orzularimiz haqida ketmoqda. Biz yaxshi tayyorgarlik ko‘rganimiz uchun xotirjammiz. Biz ishtiyoq bilan o‘ynashimiz kerak. Har ikki jamoada ham motivasiya bo‘ladi, yarim finalga chiqish juda zo‘r bo‘lardi.
"Napoli" - bu mavsumda Chempionlar ligasida eng ko‘p gol urgan jamoa. Turnirda sakkizta jamoa qoldi va ularning barchasi kuchli.
Biz o‘yinni 0:0 hisobida boshlaymiz, lekin ikkita teng o‘yin kutaman, biz yaxshi tayyorgarlik ko‘rdik va raqibdan boshqacharoq narsani kutamiz.
- Viktor Osimxen, Jovanni Simeone va Jakomo Raspadorisiz "Napoli" unchalik tayyor emas.
Spaletti nima qilishini bilmayman. Lekin men ko‘proq himoya bosqichida o‘ynash haqida gapirdim. Ular tajovuzkor bo‘ladimi yoki chuqur himoyalanadimi, o‘z darvozalarida joylashadimi, bilmayman. Mening yigitlarim turli vaziyatlarni o‘qib, erkin zonalarni topa olishi kerak", - dedi Stefano Pioli.
