Argentinalik hujumchi Lautaro Martines ikki oydan ko‘proq vaqt oldin - yanvar oyining so‘nggi kuni kubok doirasida "Atalanta"ga qarshi o‘yinda yo‘l qo‘ygan qoidabuzarliklari uchun uch ming yevro miqdorida jarimaga tortildi.
O‘shanda Martines almashtirilgandan so‘ng maydonni tark etib, negadir hakamlarni haqorat qilishga qaror qildi va ularni so‘kindi, deya aniqlik kiritadi Italiyaning ITASportPress axborot agentligi. Shu sababli, Lautaro jarimaga tortildi. Bundan tashqari, klub ham xuddi shunday miqdorda jazolandi.
