"Bavariya" futbolchilari Sadio Mane va Leroy Sane o‘rtasidagi ziddiyatdan hayratda.
Oldinroq YECHL 1/4 finalida "Manchester Siti"ga qarshi kechgan va "Bavariya" 0:3 hisobida mag‘lub bo‘lgan o‘yindan so‘ng, Mane kiyim almashtirish xonasida Sanening yuziga urgani haqida xabar berilgandi.
Florian Plettenbergning so‘zlariga ko‘ra, "Bavariya"ning ba’zi futbolchilari Manening klubda uzoq qolmasligiga ishonchi komil.
Ayni paytda hodisaning senegallik futbolchi uchun yuzaga kelishi mumkin bo‘lgan oqibatlari muhokama qilinmoqda - u jarimaga tortilishi yoki mashg‘ulotlardan chetlashtirilishi, qo‘shimcha ravishda u bilan kelishuv bekor qilinishi mumkin.













