"Бавария" футболчилари Садио Мане ва Лерой Сане ўртасидаги зиддиятдан ҳайратда.
Олдинроқ ЕЧЛ 1/4 финалида "Манчестер Сити"га қарши кечган ва "Бавария" 0:3 ҳисобида мағлуб бўлган ўйиндан сўнг, Мане кийим алмаштириш хонасида Саненинг юзига ургани ҳақида хабар берилганди.
Флориан Плеттенбергнинг сўзларига кўра, "Бавария"нинг баъзи футболчилари Маненинг клубда узоқ қолмаслигига ишончи комил.
Айни пайтда ҳодисанинг сенегаллик футболчи учун юзага келиши мумкин бўлган оқибатлари муҳокама қилинмоқда - у жаримага тортилиши ёки машғулотлардан четлаштирилиши, қўшимча равишда у билан келишув бекор қилиниши мумкин.
