"Barselona" vingeri Usmon Dembele hali klub bilan yangi shartnoma borasida muzokaralar olib bormayapti.

Fransiyalik futbolchining amaldagi shartnomasi kelasi yili tugaydi, ammo “Barselona” bundan unchalik xavotirga tushmayapti.

Jurnalist Fernando Poloning so‘zlariga ko‘ra, Kataloniya klubi rahbariyati Dembele bilan muzokara boshlashga shoshilmayapti, chunki ular uning qolish niyatida ekanligiga ishonchlari komil. “Ko‘k-anorranglilar” ustozi Xavi Ernandes 25 yoshli futbolchini jamoaning asosiy figurasi deb hisoblaydi.

Usmon Dembele joriy mavsumda 28 ta o‘yinda 8 ta gol urdi va 7 ta golli uzatmani amalga oshirdi. Futbolchi ayni damda jarohatidan forig‘ bo‘lmoqda.