"Барселона" вингери Усмон Дембеле ҳали клуб билан янги шартнома борасида музокаралар олиб бормаяпти.
Франциялик футболчининг амалдаги шартномаси келаси йили тугайди, аммо “Барселона” бундан унчалик хавотирга тушмаяпти.
Журналист Фернандо Полонинг сўзларига кўра, Каталония клуби раҳбарияти Дембеле билан музокара бошлашга шошилмаяпти, чунки улар унинг қолиш ниятида эканлигига ишончлари комил. “Кўк-анорранглилар” устози Хави Эрнандес 25 ёшли футболчини жамоанинг асосий фигураси деб ҳисоблайди.
Усмон Дембеле жорий мавсумда 28 та ўйинда 8 та гол урди ва 7 та голли узатмани амалга оширди. Футболчи айни дамда жароҳатидан фориғ бўлмоқда.
