"Manchester Yunayted" darvozaboni David De Xea bo‘lajak transfer oynasida klubini o‘zgartirishi mumkin.

Sky Sports xabariga ko‘ra, 32 yoshli darvozabon hozirda "Manchester Yunayted"ning eng ko‘p maosh oluvchi futbolchisi hisoblanadi. Uning maoshi haftasiga taxminan 420 ming yevro (yiliga deyarli 22 million yevro).

Manbaga ko‘ra, “qizil iblislar” boshliqlari De Xeaga yangi shartnomaga ko‘ra haftasiga 226 ming yevro (yiliga 11,7 million yevro) ishlab olish sharti bilan mehnat shartnomasini uch yilga uzaytirishni taklif qilishgan. Ammo, qayd etilishicha, darvozabon bunday shartlar asosida shartnoma imzolashga tayyor emas.

De Xea "Manchester Yunayted"da 2011 yildan buyon to‘p suradi. Joriy mavsumda darvozabon 46 ta o‘yinda 50 ta gol o‘tkazib yubordi. Futbolchining amaldagi shartnomasi kelasi yozda yakuniga yetadi. Transfermarkt ispaniyalik futbolchining narxini 15 million yevroga baholamoqda.