"Манчестер Юнайтед" дарвозабони Давид Де Хеа бўлажак трансфер ойнасида клубини ўзгартириши мумкин.

Sky Sports хабарига кўра, 32 ёшли дарвозабон ҳозирда "Манчестер Юнайтед"нинг энг кўп маош олувчи футболчиси ҳисобланади. Унинг маоши ҳафтасига тахминан 420 минг евро (йилига деярли 22 миллион евро).

Манбага кўра, “қизил иблислар” бошлиқлари Де Хеага янги шартномага кўра ҳафтасига 226 минг евро (йилига 11,7 миллион евро) ишлаб олиш шарти билан меҳнат шартномасини уч йилга узайтиришни таклиф қилишган. Аммо, қайд этилишича, дарвозабон бундай шартлар асосида шартнома имзолашга тайёр эмас.

Де Хеа "Манчестер Юнайтед"да 2011 йилдан буён тўп суради. Жорий мавсумда дарвозабон 46 та ўйинда 50 та гол ўтказиб юборди. Футболчининг амалдаги шартномаси келаси ёзда якунига етади. Transfermarkt испаниялик футболчининг нархини 15 миллион еврога баҳоламоқда.