"Arsenal" chempionlik uchun kurashni davom ettirmoqda. Dastlabki 30 daqiqada “Vest Xem” bilan o‘yinda hech qanday muammo bo‘lmagandek tuyuldi. Hattoki Zinchenko va Salibaning jarohatlarini hisobga olsak ham (ikkalasi ham o‘yin uchun qaydnomaga kiritilmagan).
Dastlabki 10 daqiqadayoq "Arsenal" ikkita gol farqi bilan oldinga chiqib oldi. Taniqli birinchi Jezus Uaytning uzatmasini golga aylantirdi, keyin esa Martinelli Edegorga golli uzatma berdi. Shundan so‘ng "Arsenal" o‘yinni tashlab qo‘ydi. Mehmonlar bu vaziyatda g‘alabani qo‘ldan chiqarishlari uchun mo‘’jiza sodir bo‘lishi kerakday tuyuldi. Ammo o‘sha mo‘’jiza sekin sodir bo‘la boshladi.
Hammasi o‘yinning 31-daqiqasida, Parti to‘pni maydon markazida yo‘qotib qo‘yganida boshlandi. Oradan biroz o‘tib Paketa penalti ishladi, Benrahma uni golga aylantirdi. Bu "Vest Xem"ning darvozaga birinchi zarbasi bo‘ldi. "Arsenal" ham ikkinchi bo‘lim boshida penalti tepdi. Biroq, Saka to‘pni darvozaga noqaniq yo‘lladi. Va darhol "Vest Xem" hisobni tenglashtirdi! Bouyen Ramsdeylga imkoniyat qoldirmadi – 2:2!
Shu payt darhol “Arsenal”ning oldingi o‘yini esga tushdi. Avvalgi turda ham Arteta jamoasi "Enfild"da ikki to‘p farqi bilan oldinga chiqib olib, yomon o‘ynay boshladi. Natijada “Liverpul” hisobni tenglashtirdi.
Ligada qolish uchun kurashayotgan va tushib ketish zonasidan 4 ochko oldinda borayotgan “Vest Xem” uchun durang yaxshi natija. “Arsenal” hali ham “Siti”dan to‘rt ochko oldinda, ammo ikita muhim jigat bor. Birinchidan, amaldagi chempionda yana bir o‘yin bor. Ikkinchidan, 10 kundan keyin Manchesterda yetakchilarning yuzma-yuz uchrashuvi bo‘lib o‘tadi. Eslatib o‘tamiz, ochkolar teng bo‘lgan taqdirda birinchi ko‘rsatkich urilgan va o‘tkazib yuborilgan gollar o‘rtasidagi farq hisoblanadi. U “Siti”da (+50) “Arsenal”dan (+43) yaxshiroq.
