«Manchester Siti» yarim himoyachisi Kevin de Bryuyne «Bavariya»ga qarshi Chempionlar ligasi 1/4 final javob uchrashuvi oldidan o‘z fikrlari bilan o‘rtoqlashdi.
Xosep Gvardiola jamoasi Myunxenga 3 ta gol farqi bilan yo‘l oladi, biroq belgiyalik «shaharliklar»ni xushyorlikka chaqirdi: «Oldinda uzoq yo‘l bor. 95 daqiqada ko‘p narsa sodir bo‘lishi mumkin.
Futboldagi aql bovar qilmas natijalar haqida hamma eshitgan, shuning uchun bizning vazifamiz - o‘zimizning eng yaxshi o‘yinimizni ko‘rsatish.
Hammasini noldan boshlash kerak va bu qiyin bo‘lishini bilamiz. Biz ustunlikni saqlab qolishga intilmasdan, qo‘limizdan kelganicha o‘ynashimiz kerak.
«Bavariya»da juda ko‘p ajoyib o‘yinchilar bor», - deya De Bryuynening so‘zlarini keltiradi The Independent.
