«Манчестер Сити» ярим ҳимоячиси Кевин де Брюйне «Бавария»га қарши Чемпионлар лигаси 1/4 финал жавоб учрашуви олдидан ўз фикрлари билан ўртоқлашди.
Хосеп Гвардиола жамоаси Мюнхенга 3 та гол фарқи билан йўл олади, бироқ бельгиялик «шаҳарликлар»ни хушёрликка чақирди: «Олдинда узоқ йўл бор. 95 дақиқада кўп нарса содир бўлиши мумкин.
Футболдаги ақл бовар қилмас натижалар ҳақида ҳамма эшитган, шунинг учун бизнинг вазифамиз - ўзимизнинг энг яхши ўйинимизни кўрсатиш.
Ҳаммасини нолдан бошлаш керак ва бу қийин бўлишини биламиз. Биз устунликни сақлаб қолишга интилмасдан, қўлимиздан келганича ўйнашимиз керак.
«Бавария»да жуда кўп ажойиб ўйинчилар бор», - дея Де Брюйненинг сўзларини келтиради The Independent.
