«Bavariya» klubi hujumkor yarim himoyachi Leroy Saneni sotib yuborish haqida o‘ylamoqda. 27 yoshli futbolchi oilaviy muammolar tufayli o‘z e’tiborini 100 foiz ishga qarata olmayapti.

Agar Sane jamoani tark etsa, myunxenliklar «Yuventus» yarim himoyachisi Federiko Kyeza bilan shartnoma imzolashga harakat qilishadi. «Bavariya» bosh murabbiyi Tomas Tuxelga italiyalik futbolchining o‘yini yoqadi.

Bundesliga klubi Kyeza uchun «Yuve»ga 40 million yevro taklif qilishga tayyor. Biroq «Yuventus» ko‘proq pul talab qilishi mumkin.