"Real Madrid" so‘nggi 13 mavsumda 11 marta Chempionlar ligasining yarim finaliga chiqqan.
Bugun "Madrid" ikki o‘yin natijasiga ko‘ra 1/4 finalda "Chelsi"ni mag‘lub etdi (2:0, 2:0).
Oxirgi 13 mavsum davomida hech bir klub Chempionlar ligasining yarim finaliga "Real"dan ko‘ra ko‘proq yetib kelmagan. Eng yaqin ta’qibchi “Bavariya” bo‘lib, yettita yarim finalga chiqdi.
Shuningdek, bu "qaymoqranglilar" bosh murabbiyi Karlo Anchelotti uchun Chempionlar ligasining 9-yarim finali. Italiyalik mutaxassis “Manchester Siti” ustozi Pep Gvardiolaning rekordini takrorladi. Ammo ertaga shaharliklar "Bavariya"dan o‘ta olsa, Pep o‘z yutug‘ini yangilashi mumkin.