"Реал Мадрид" сўнгги 13 мавсумда 11 марта Чемпионлар лигасининг ярим финалига чиққан.
Бугун "Мадрид" икки ўйин натижасига кўра 1/4 финалда "Челси"ни мағлуб этди (2:0, 2:0).
Охирги 13 мавсум давомида ҳеч бир клуб Чемпионлар лигасининг ярим финалига "Реал"дан кўра кўпроқ етиб келмаган. Энг яқин таъқибчи “Бавария” бўлиб, еттита ярим финалга чиқди.
Шунингдек, бу "қаймоқранглилар" бош мураббийи Карло Анчелотти учун Чемпионлар лигасининг 9-ярим финали. Италиялик мутахассис “Манчестер Сити” устози Пеп Гвардиоланинг рекордини такрорлади. Аммо эртага шаҳарликлар "Бавария"дан ўта олса, Пеп ўз ютуғини янгилаши мумкин.