Seshanba oqshomida "An-Nasr" Saudiya ligasi doirasida "Al-Hilol"ga qarshi o‘yinda mag‘lub bo‘ldi - 0:2.
Krishtianu Ronaldu 90 daqiqa maydonda harakat qildi, lekin tan olish kerak, yomon o‘ynadi. Portugaliya futbolchi butun o‘yin davomida raqib darvozasiga to‘rtta zarba yo‘lladi. Ularning uchtasidan darvoza yonidan o‘tib ketdi va yana bir zarbasi esa bartaraf etildi. Shu tariqa butun o‘yin davomida 38 yoshli hujumchi birorta ham aniq zarbani amalga oshira olmadi. Bu statistika SofaScore portali tomonidan taqdim etilgan.
Eslatib o‘tamiz, Krishtianu Ronaldu o‘tgan yilning oxirida "An-Nasr" bilan shartnoma imzolagan edi. Saudiya Arabistonida portugaliyalik futbolchi mavsumiga 200 million yevro ishlab olishi xabar qilingandi.
