«Bavariya» vingeri Leroy Sane «Manchester Siti»ga qarshi (1:1) Yevropa Chempionlar Ligasi 1/4 final javob o‘yinidan so‘ng jurnalistlar bilan suhbatlashdi.

Durang «Bavariya» jamoasiga yoqmadi, chunki birinchi o‘yinda «shaharliklar» 3:0 hisobida g‘alaba qozongan edi.

«Biz kuchli o‘yin o‘tkazdik va men o‘z imkoniyatimdan foydalanishim kerakligini bilardim. Biz o‘yinni nazorat qildik, markazdagi kurashlarda g‘alaba qozondik va agar gol urganimda vaziyat qanday bo‘lishini tasavvur qilavering.

Biz «Manchester Siti»ga katta bosim o‘tkazdik, ammo birinchi o‘yinda 3:0 hisobida mag‘lub bo‘lgandan keyin hech narsaga ishonish qiyin edi.

Men bugungi o‘yinimizdan faxrlanaman. Endi bor e’tiborimizni Bundesligaga qaratishimiz kerak», dedi Sane intervyusida.