«Бавария» вингери Лерой Сане «Манчестер Сити»га қарши (1:1) Европа Чемпионлар Лигаси 1/4 финал жавоб ўйинидан сўнг журналистлар билан суҳбатлашди.
Дуранг «Бавария» жамоасига ёқмади, чунки биринчи ўйинда «шаҳарликлар» 3:0 ҳисобида ғалаба қозонган эди.
«Биз кучли ўйин ўтказдик ва мен ўз имкониятимдан фойдаланишим кераклигини билардим. Биз ўйинни назорат қилдик, марказдаги курашларда ғалаба қозондик ва агар гол урганимда вазият қандай бўлишини тасаввур қилаверинг.
Биз «Манчестер Сити»га катта босим ўтказдик, аммо биринчи ўйинда 3:0 ҳисобида мағлуб бўлгандан кейин ҳеч нарсага ишониш қийин эди.
Мен бугунги ўйинимиздан фахрланаман. Энди бор эътиборимизни Бундеслигага қаратишимиз керак», деди Сане интервьюсида.
