“Bavariya” bosh direktori Oliver Kan “Manchester Siti”ga qarshi (1:1) Yevropa Chempionlar Ligasi chorak final javob o‘yinida jamoaning o‘yiniga baho berdi.
"Umuman olganda, bu kuchli o‘yin bo‘ldi. Agar biz peshqadamlikni qo‘lga kiritganimizda, o‘zimizga bo‘lgan ishonch kuchayib, “Siti” uchun vaziyat og‘irlashgan bo‘lardi. Biz hamma narsani tikdik, lekin bu yetarli emas edi. Bundesligaga keladigan bo‘lsak, men tashvishlanmayman, jamoa bugun nimalarga qodirligini ko‘rsatdi. Bizda "to‘qqizlik" hujumchisi yetishmayaptimi? Bugun biz bittasini ko‘rdik, ammo bu futbolchi bizda o‘ynamayapti, afsuski (Erlin Xolandni nazarda tutadi). Levandovskiga o‘xshagan "to‘qqizlik" hujumchisi kam", - dedi Kan Bayern & Germany bilan suhbatda.
"Bavariya" "Siti" bilan birinchi o‘yinda 0:3 hisobida mag‘lub bo‘ldi va umumiy hisobda (1:4) turnirni tark etdi. Chempionlar ligasining yarim finalida "shaharliklar" Madridning “Real” jamoasiga qarshi maydonga tushadi.
