“Бавария” бош директори Оливер Кан “Манчестер Сити”га қарши (1:1) Европа Чемпионлар Лигаси чорак финал жавоб ўйинида жамоанинг ўйинига баҳо берди.
"Умуман олганда, бу кучли ўйин бўлди. Агар биз пешқадамликни қўлга киритганимизда, ўзимизга бўлган ишонч кучайиб, “Сити” учун вазият оғирлашган бўларди. Биз ҳамма нарсани тикдик, лекин бу етарли эмас эди. Бундеслигага келадиган бўлсак, мен ташвишланмайман, жамоа бугун нималарга қодирлигини кўрсатди. Бизда "тўққизлик" ҳужумчиси етишмаяптими? Бугун биз биттасини кўрдик, аммо бу футболчи бизда ўйнамаяпти, афсуски (Эрлин Холандни назарда тутади). Левандовскига ўхшаган "тўққизлик" ҳужумчиси кам", - деди Кан Bayern & Germany билан суҳбатда.
"Бавария" "Сити" билан биринчи ўйинда 0:3 ҳисобида мағлуб бўлди ва умумий ҳисобда (1:4) турнирни тарк этди. Чемпионлар лигасининг ярим финалида "шаҳарликлар" Мадриднинг “Реал” жамоасига қарши майдонга тушади.
