"Barselona" bosh murabbiyi Xavi Ernandes "PSJ" hujumchisi Lionel Messini jamoaga qaytarish bo‘yicha olib borilayotgan muzokaralar haqida ma’lumot bermadi. Eslatib o‘tamiz, argentinalik futbolchi yozda erkin agentga aylanish ehtimoli yuqori.
"Messini qaytarish bo‘yicha muzokaralar ketayotganidan xabarim yo‘q. Menga faqat mehnat qilish va keyingi mavsum yoki transferlar haqida emas, keyingi o‘yin haqida o‘ylash yoqadi. Hozir Messi haqida gapirishning vaqti emas”, - dedi Xavi matbuot anjumanida.
Avvalroq, Messi uchun “Barselona”ga qaytish ustuvor variant ekani haqida mish-mishlar tarqalgan edi. Kataloniya klubi bu kelishuvni amalga oshirish uchun moliyaviy muammolarni hal qilishi kerak.
