"Барселона" бош мураббийи Хави Эрнандес "ПСЖ" ҳужумчиси Лионель Мессини жамоага қайтариш бўйича олиб борилаётган музокаралар ҳақида маълумот бермади. Эслатиб ўтамиз, аргентиналик футболчи ёзда эркин агентга айланиш эҳтимоли юқори.
"Мессини қайтариш бўйича музокаралар кетаётганидан хабарим йўқ. Менга фақат меҳнат қилиш ва кейинги мавсум ёки трансферлар ҳақида эмас, кейинги ўйин ҳақида ўйлаш ёқади. Ҳозир Месси ҳақида гапиришнинг вақти эмас”, - деди Хави матбуот анжуманида.
Аввалроқ, Месси учун “Барселона”га қайтиш устувор вариант экани ҳақида миш-мишлар тарқалган эди. Каталония клуби бу келишувни амалга ошириш учун молиявий муаммоларни ҳал қилиши керак.
