"Barselona" bosh murabbiyi Xavi o‘z shikoyatlari haqida gapirdi. La Liganing so‘nggi turida “Xetafe” bilan durangdan so‘ng (0:0) Kataloniya jamoasi ustozi quyosh va o‘ta quruq maydondan nolidi.
"Meni tanqid qilishadi, lekin bu meni xavotirga solmaydi. Men haqimda qancha memlar yaratilmasin, men og‘zimni yopmayman. Quyosh ham futbol uchun qulay emas, quruq maydon ham. Nega ular maydonni sug‘orishmadi?
Barcha sport turlarida maydon eng yaxshi holatda keltiriladi. Golfda o‘t kesiladi, basketbolda parket artiladi, tennisda esa yomg‘ir yog‘ganda pauza bo‘ladi. Shuning uchun men og‘zimni yopmayman", - dedi Xavi matbuot anjumanida.
23-aprel, yakshanba kuni “Barselona” La Liga doirasida “Atletiko Madrid”ga qarshi uy uchrashuvini o‘tkazadi.
