"Барселона" бош мураббийи Хави ўз шикоятлари ҳақида гапирди. Ла Лиганинг сўнгги турида “Хетафе” билан дурангдан сўнг (0:0) Каталония жамоаси устози қуёш ва ўта қуруқ майдондан нолиди.
"Мени танқид қилишади, лекин бу мени хавотирга солмайди. Мен ҳақимда қанча мемлар яратилмасин, мен оғзимни ёпмайман. Қуёш ҳам футбол учун қулай эмас, қуруқ майдон ҳам. Нега улар майдонни суғоришмади?
Барча спорт турларида майдон энг яхши ҳолатда келтирилади. Гольфда ўт кесилади, баскетболда паркет артилади, теннисда эса ёмғир ёғганда пауза бўлади. Шунинг учун мен оғзимни ёпмайман", - деди Хави матбуот анжуманида.
23-апрель, якшанба куни “Барселона” Ла Лига доирасида “Атлетико Мадрид”га қарши уй учрашувини ўтказади.
