Premyer-liganing o‘ttiz ikkinchi turida "Everton" "Kristal Pelas" bilan nursiz durang o‘ynadi. Mersisaydliklar himoyachisi Jeyms Tarkovski jamoasi to‘liq uch ochkoga loyiq ekanligini tushuntirdi.
"Biz juda xafamiz. Biz kurashda edik, bizda uch ochko olish imkoniyati bor edi. Og‘ir mavsum bo‘lishiga qaramay, o‘zimga bo‘lgan ishonchni yo‘qotmoqchi emasman. Bizda juda yaxshi o‘yinchilar bor, oldinda hali oltita o‘yin bor, turnir jadvaliga kamroq qarashga harakat qilamiz, - deya Tarkovski so‘zlarini keltiradi BBC Sport.
Keyingi turda "Everton" o‘z maydonida "Nyukasl"ni qabul qiladi.
