«Barselona» bosh murabbiyi Xavi Ispaniya chempionatining 30-turi doirasida bo‘lib o‘tgan «Atletiko»ga qarshi o‘yin (1:0) borasida o‘z fikrini bildirib o‘tdi.

«Juda muhim g‘alabani qo‘lga kiritdik. Joriy mavsumda sovrin yutish yo‘lida muhim g‘alaba bo‘ldi. Biz ajoyib jamoani mag‘lub etdik. Raqib jamoada ham golli vaziyatlar bo‘ldi, ammo iz maydonda hukmronlik qildik va ikkinchi golni urish uchun imkoniyatlarga bo‘ldik. Ikkinchisini ursak, xotirjam bo‘lardik. Ammo chempionatda bunday holatlar uchrab turibdi. Bugun biz kuchli edik.

Rafinya va Ferranning himoyadagi harakatlari muhim ahamiyatga ega bo‘ldi, ular jamoaga yaxshi yordam berishdi. Ularning jonbozligi juda muhim. Ular to‘pni jamoamizga qaytarib, tezkorlik bilan oldinga o‘tishdi.

Juda yaxshi o‘ynadik. Birinchi bo‘limda ikkinchisiga nisbatan kamroq vaziyat yaratdik. Umuman olganda esa ajoyib o‘yin namoyish etdik. O‘yindan qoniqish hosil qildim.

Ter Shtegen – jahonning eng yaxshi uch darvozabonlaridan biri. Uning sa’y-harakatlari tufayli biz shunday o‘yin namoyish etyapmiz. U aql bovar qilmas posbon. U bizga ko‘p kafolatlarni beradi. Shuningdek, himoyamiz ham juda yaxshi. Hamma gap jamoaviy mehnatda. Ammo ko‘p vaziyatlarda Mark muhim rolni o‘ynadi.

Odatda biz raqiblarga bunchalik ko‘p vaziyat yaratish uchun imkon bermaymiz, ammo yanvardan yeri yutqazmayotgan «Atletiko» qanday formada ekanini o‘zingiz ko‘rdingiz.

La ligada ahvolimiz juda yaxshi, ammo biz hali sovrin qo‘lga kiritmadik», – dedi Xavi.