Maurisio Pochettino "Chelsi"ning yangi bosh murabbiy bo‘lish taklifini rad qilishi mumkin.

Jurnalist Mett Louning so‘zlariga ko‘ra, argentinalik murabbiy "Real" yoki sobiq jamoasi "Tottenxem"dan taklif olsa, "ko‘klar"ni boshqarish fikrini o‘zgartirishi mumkin.

Eslatib o‘tamiz, "Real Madrid" mavsum yakunida, agar rahbariyat mavsum natijalaridan norozi bo‘lsa, Karlo Anchelottini iste’foga chiqarishi mumkin. Maurisio "qaymoqranglilar" uchun ustuvor nomzodlardan biri. "Tottenxem" ea Pochettinoni qaytarish variantini hali jiddiy ko‘rib chiqmayapti.

Manbaning qo‘shimcha qilishicha, hozir hech narsa argentinalik mutaxassisni "Chelsi" taklifini qabul qilishga qaror qilishiga to‘sqinlik qilmaydi.