"Barselona" yarim himoyachisi Gavi jamoa bosh murabbiyi Xavi Ernandesga kelasi yozda kataloniyaliklarni tark etish niyati yo‘qligini aytdi. Bu haqda Sport.es nashri xabar bermoqda.
Bir necha kun oldin matbuotda Gavining Londonning "Chelsi"siga o‘tishi mumkinligi haqida mish-mishlar paydo bo‘lgandi. Aytishlaricha, futbolchi "Barselona" haligacha yangi shartnomasini ro‘yxatdan o‘tkaza olmaganidan norozi bo‘lgan. Biroq manbaning ta’kidlashicha, yarim himoyachi Xavi Ernandes jamoasidagi o‘rnidan mamnun va "Barselona"da qolmoqchi.
Gavi joriy mavsumda 1 ta gol va 3 ta golli uzatmani amalga oshirdi.
