"Барселона" ярим ҳимоячиси Гави жамоа бош мураббийи Хави Эрнандесга келаси ёзда каталонияликларни тарк этиш нияти йўқлигини айтди. Бу ҳақда Sport.es нашри хабар бермоқда.
Бир неча кун олдин матбуотда Гавининг Лондоннинг "Челси"сига ўтиши мумкинлиги ҳақида миш-мишлар пайдо бўлганди. Айтишларича, футболчи "Барселона" ҳалигача янги шартномасини рўйхатдан ўтказа олмаганидан норози бўлган. Бироқ манбанинг таъкидлашича, ярим ҳимоячи Хави Эрнандес жамоасидаги ўрнидан мамнун ва "Барселона"да қолмоқчи.
Гави жорий мавсумда 1 та гол ва 3 та голли узатмани амалга оширди.
